Groeëte Zitting beej de Törvers - 22 Jan 2010 - Schod um Laeg - Groeëte Zitting beej de Törvers - 2

Historie Schöd um Laeg.Joekskepèl Schöd um Laeg besteit oèt 20 man en is opgerich op 1 april 1994. As me de statute good doorluüës kin me vasstelle det Schöd um Laeg maar ein doel veur auge haet: t ammezére van de Venlose minse met gezellige mezièk en waal t ganse jaor door, maar veural tièdes de vastelaovend. En det wuüërt nôw al jaore door ós kepèl nao boète gebrach en zeen we ouk truuk in ein stökske historie waovan ik óg noow kônd zal doon. Beej de oprichting kwame weej dr achter det maar 3 muzikante al ens ièrder ein mezièkinstrument in hand hadde gehad. De res, de andere 14, hadde nog noeëts op ein träöt gespeuld. Zeej kóste waal behuùrlik met ein belke aan de veut euverwaeg (beej de voetbalclub), maar mezièk maake waas toch waal andere kook. Naodet we ein instrument hadde gekaoze ginge weej aan de slaag ónder leiding van ôzze ièrste dirigent Wiel Gatzen. Dae lièrde ôs, met paerds gedöld, noeëte laeze en perbeerde die saame met ós op de träöt, dr oèt te kriege. Det waas in t begin herrie make op ein laeg straot.Nao de ièrste maonde van Struggle for Lifewoorte weej as kepèl genuuëd um beej ózze veurzitter op de broèlof ein serenaadje weg te gaeve. t Lang zulle ze laeveen romantische Spanish Eyeszien um en zien vruike nog lang bliève achtervolge. Des ein feit waat zeker is. De opgenaome videoband wuuërt vandaag dn daag nog as Cult-filmgezeen en is dan auk dn iérsten bootleg van Schöd um Laeg.Gevolg: nao det ièrste optraeje kôs niks ôs mièr taegehalde en sjouwde we de nuuëdige etablissemente aaf um op die meneer in de bekindheid te kómme (laes: ôs ster te doon rieëze). Veurbeelde heej van zien: ôs optraeje in dn tennistempel De Schaapskooi, al kós t publiek det dao waas ôs toeëne (want ózze Venlose cultuur waas eur schienbaar nogal vraemp) neet bepaold waardere. Ós vastelaoves-optraeje in kefee De Keulse Barrière, wao we ózze kollega-muzikant (ziene naam bin ik vergaete) kómpleet wegbloze. En ein paar neet ónbelangrièke suksesse tièdes t opluustere van mièrdere jubilea in zaal Copacabana, want dao mót iddere zichzelf respecterende Joekskepèl zeker eine kièr hebbe gespeuld.Nao jaore van hard werke en zweite is t ós noow, ónder muzikale leiding van dn hièr Twan Gubbels, toch wónder baove wónder, gelök ein moor van mezièk te bringe die in Venlo en de wieje umgaeving neet mièr weg te dinke is. Ózze sterkste kant kump t beste nao veure met de nummers die weej de Speedjoeks neume. Maar ouk hartstikke moeëje Ballades(bekièk ôs repertoir) bliève deil oèt make van ôs muzikale menukaart.En neet te vergaete is, det weej in ôs programma (kièk in de agenda) t jaorlikse oètstepke euver de päöl hebbe opgenaome. Die oètstepkes zörge dr veur det weej nao ein jaor van performe (hard werke dus) ôs ne kièr kinne óntspanne. (ahum).In 2005 vierde we ós 11 jäörig bestaon. En ouk daobeej kinde we de nuuëdige hoeëgtepunte, met as climax, de kaegelaovend beej de Krómme Schuuver. Det t kaegele beejzaak waas, kinne allein de insiders begrièpe. Vaerdere hoeëgtepunte oèt ós bestaon: de reis in 2003 nao Zwitserland, de opname in 2004 van ôs CD Vriedaag, t optraeje op de mert in Bernkastel in 2005 (kiék heejveur op youtube!!). En ouk in 2005 ós ièrste optraeje op de houfbuun van De Maaspaort in Venlo met de vastelaovend.Heb geej belangstelling nao t laeze van dees kronieken wilt ge waal ens de mezièk van Schöd um Laeg in ógge zaal, tent of wao dan ouk huùre, pak dn tillefoon en bel ózze sikkertaris, dn hièr Hay Timmermans. Zien adres en tillefoonnummer vind ge op ôzze site.Bestuurssamenstelling Joekskapel Schöd um LaegVoorzitter: John StikkelbroeckSecretaris: Hay TimmermansPenningmeester: Frans in 't ZandtMuziekcommissie: Leon van de Lockandwww.schodumlaeg.com01/01/2010: Niejaorsreceptie beej t Tref Idderein is netuurlik van herte welkom...!!!22/01/2010: Groeëte Zitting beej de Törvers.23/01/2010: Zitting beej de Moeraskwaakers in t Ven.24/01/2010: Privéreceptie van de prins van de Kwas beej t Tref.29/01/2010: Oétroope van de prins(es) van Jocus Toekôms beej t Ald Weishoés.31/01/2010: Optoch in t Ven.06/02/2010: Prinsereceptie beej de Törvers.07/02/2010: Prinsereceptie beej de Moeraskwaakers.13/02/2010: Optoch in Bracht (D).14/02/2010: Vastelaoveszôndaag.15/02/2010: Vastelaovesmaondaag.16/02/2010: Boerebroélof.13/05/2010: Optraeje beej brauwerei Steffens in t Kasbachtal (beej Linz am Rhein).03 t/m 05/09/2010: Jaorliks oétstepke.11/11/2010: Schöd um Laeg on tour.