Prissentasieaovend 29 november a.s.

Laden...
573 Bekeken

  • Bedankt! Deel het met je vrienden!

    Je vind deze video niet leuk. Bedankt voor je feedback!

admin
Published

Nao maonde van veurbereiding is ut dan intelik zoë wiéd. Boerebroelofsgezelschap "de Kwas" zal zich aan ut Venlose volk prissentere. Dit zal gaon gebeure in twië etappes. Op vriedaag 29 november a.s. zulle weej starte met ut veurstelle aan de leeje van de Kwas, eur partners, vrinde en alle inwoéners van Venlo-zuid. Dit vindt plaats in ut Tref middels ein kort maar krachtig samezien in ut vruge begin van de aovend. Vanaaf 17:00 oor waerd geej ontvange in ut Tref wao weej gezamelik taege ein kleine vergoeding ein hepke aete (ein luxe boerebuffet met verschillende saorte vleis veur de priés van € 8,- p.p. opgaeve via Info@dekwas.nl) As sloëtstök zal umstreeks 18:30 oor ut boerebroelofsgezelschap van de Kwas veur ôg as iërste zich prissentere. Geej heb dan dus de primeur! Daonao is d'r de meugelikheid um truuk te kiéke op ut iërste optraeje en veuroét te kiéke op ein geweldig, bizonder en historisch seizoen waat ôs in ut veuroétzich leet.Um 20:00 oor make weej ôs klaor um ut boerebroelofsgezelschap van de Kwas aan gans Venlo te tuëne. Weej gaon daoveur naor de stad wao weej van de Venlonazaal aan de Hoëgewaeg einmaolig ein enclave make van ôs eige Venlo-Zuid.Dao zal um 21.11 oor de wiéze Raod van Elf symbolisch de mach veur ein jaor euverdrage aan ut Boerebroelofsgezelschap. Dit alles onder auspiciën van de wiéze Raod van Elf en AZ-kemmissie van Jocus.Netuurlik zal dit ein aovendvullend programma zien waobeej de muzikale begeleiding van de aovend in hand is van MIXX (Jocus Hofkepel). Vaerder waere de 4 winnende leedjes van Opus Jocus ten gehuure gebrach en zien d'r optraejes van NUATH en W-dreej. Deze aovend is gehiél in stiél van de Kwas: entree vreej!

Categorie
Cultuur Vastelaovend regio Venlo
Wees de eerste die een reactie plaatst.